مہندی کا استعمال کیسے بالوں کے لیے فائدے مند ہے-جانیے گرمیوں میں اسکا استعمال کیسے فائدہ دیتا ہے -

ہاتھوں پر مہندی تو لگانا تو سب لڑکیاں ہی پسند کرتی ہیں لیکن اسکے ساتھ ساتھ بالوں پر مہندی لگانے کی اپنی ہی ایک شان ہوتی ہے-سر پر مہندی لگانے سے نا صرف سفید بالوں کا خاتمہ ہوتا ہے بلکہ یہ سر کے بالوں کو خوبصورت اور چمکدار بناتی ہے اور سر کو گرمی جیسے موسم میں سر کی جلد کو راحت بخشتی ہے-

گرتے بالوں کا حل: تحقیق سے ثابت ہوا ہے کہ اگر مہندی میں  سرسوں کا تیل ملا کر لیا جاۓ تو یہ گرتے ہوۓ بالوں کو روکتا ہے اور ان کے بڑھنے کے عمل میں تیزی لاتا ہے - اسی طرح تیل میں مہندی ملا کر اس کی مالش ہفتے میں دو سے تین بار کرنے سے بال کافی حد تک مظبوط ہو جاتے ہیں-

سفید بالوں کا خاتمہ: کیمیکل والے ہئیر کلرز بالوں کو بہت سے  نقصان پہنچاتے ہیں لیکن اسکی جگہ اگر مہندی استعمال کریں تو بال بہت سارے مضرامائنو ایسڈ اور کیمیکل سے بچ جاتے ہیں جو بالوں کی نمی اور قدرتی چمک کو ختم کر کے روکھا اور کمزوربنا دیتے ہیں- ہلکے گرم پانی میں دو چمچ خشک آملہ کا پاؤڈر،ایک چمچ چاۓ والی پتی کے ساتھ مہندی کو مکس کر کے اس کا پیسٹ بنا کر سر پر ایک گھنٹے تک لگائیں دھو ڈالیں سفید بال کم ہو جائیں گے اسکے بار بار استعمال کرنے سے-

خشکی کا خاتمہ: سر کی خشکی ختم کرنے کے لیے،میتھی کے دو چمچ بیج رات بھر پانی میں بھگوئیں اور صبح انہیں اچھی طرح پیس لیں اور اس میں سرسوں کا تیل اور مہندی شامل کرلیں اور پھر بالوں میں ایک گھنٹے تک لگاۓ رکھیں اور اس کے بعد بالوں دھو لیں۔ آپ کے سر کی خشکی کافی حد تک کنٹرول ہوجائے گی- ہفتے میں یہ عمل دو بار لازمی دوہرائیں-

چمکدار مظبوط اور گھنے بال:مہندی کی لگاتار استعمال سے بال مضبوط، چمکدار اور گھنے ہوتے ہیں مہینے میں دو سے تین اسے سر پر لازمی لگائیں-اس کی تاثیر ٹھنڈی ہونے کی وجہ سے یہ سر کو راحت بخشتی ہے اور بالوں کو صحت مند اور چمکدار بناتی ہے=

ہیئر کنڈیشنر:مہندی بالوں کے لیے قدرتی طور پر بہت اچھا کنڈیشنر ہے، پانی میں دو چمچ مہندی ملا کر اس پانی کو بالوں میں سے گزاریں یہ آپکے بالوں کو کنڈیشنر جیسی رونق بخشے گی -یہ بالوں کو بازار کے مہنگے کنڈیشنر سے زیادہ فائدے دیتی ہے