سنہرا دودھ کیا ہے؟دنیا بھر کے طبی ماہرین کیوں اسکا استعمال کیوں بتاتے ہیں؟جانیے؟

 سنہرا دودھ اپنی افادیت کے سبب مختلیف ملکوں میں تیزی سے مقبول ہو رہا ہے- سنہرا دودھ اصل ہلدی ملے دودھ کو کہا جاتا ہے جسے برصغیر سمیت کئی ممالک صحت کے لیے صدیوں سے استعمال کر رہے ہیں-

ایشیائی ممالک جیسا کہ بھارت، پاکستان اور بنگلہ دیش میں یہ اندرونی چوٹوں اور جسمانی درد کی صورت میں ہلدی ملے دودھ کا استعمال عام بات ہے۔ لیکن اس قدیمی آیورویدک نسخے کا استعمال جرمنی اور دیگر یورپی ممالک میں بھی بڑھ رہا ہے-

آیئے ہم آپکو بتائیں کہ کیسے پینے کے قابل بنایا جا سکتا ہے؟ 

سنہری دودھ کو تیار کرنے کے لیے پہلی چیز دودھ ہی ہے اور دوسری چیز ہلدی ہے، جو اس  کو سنہرا رنگ دیتی ہے- ہلدی کی اچھی رنگت اور ذائقے کے ساتھ بہت فائدے مند بھی ہے-طبی ماہرین کے مطابق اس میں اینٹی آکسیڈینٹ پایا جاتا ہے جو زخموں کی سوزش ختم کرنے میں مددگار ثابت ہوتا ہے اسکے علاوہ ہلدی نظام انہضام کو بہتر بنانے میں بھی مفید ثابت ہوتی ہے۔

اس گولڈن مِلک نامی مشروب میں ہلدی کے ساتھ ساتھ ادرک اور دارچینی کا بھی استعمال کیا جاتا ہے-کیونکہ ادرک اور دار چینی کے بھی کئی طبی فوائد ہیں اور اسے قدیم چینی اور بھارتی طریقہ علاج میں کئی صدیوں سے استعمال میں لایا جا رہا ہے جا رہا ہے- ادرک میں پائے جانے والے مادے جنجرولز کی انسداد سوزش کی خاصیت بھی ہے، جو پٹھوں کا درد ختم کرتی ہے- ادرک کا استعمال بلڈ شوگر میں بھی کمی لاتا ہے ارو بد ہضمی جیسے مرض سے نجات دلواتا ہے ، خاص طور پر ذیابیطس کے مرض میں مبتلا افراد کے دل کی مختلف بیماریوں میں مبتلا ہونے کے خطرات بھی اس کے استعمال سے کم ہو جاتے ہیں-

سنہرے دودھ کو تیار کرنے کے لیے جانیئے کونسی اشیاء درکار ہوتی ہیں

دودھ تین سو ملی لیٹر ،شہد ایک بڑا چائے کا چمچ شامل کریں ، ہلدی 1 چائے کا چمچ ،دارچینی آدھا چائے کا چمچ ، ادرک ایک چائے کا چمچ اور ناریل کا تیل ایک چائے کا چمچ شامل کر لیں-

تمام اشیاء کو پکتے ہوۓ دودھ ایک ایک کر کے شامل کرنے کے بعد دودھ کو ہلکی آنچ پر پکاتے رہیں اور ساتھ ساتھ دودھ کو چمچ سے ہلاتے رہیں- اچھی طرح مکس کرنے کے بعد دودھ کو چھان کر کپ میں ڈال لیں سنہرا دودھ تیار ہو جاۓ گا-

یورپ جیسے ممالک میں ہلدی ملے دودھ کو متبادل طریقہ علاج کے لیے استعمال کیا جا رہا ہے- اس دودھ کے اجزاء شفا بخش قوتوں کے حامل اور انسانی مدافعتی نظام کے لیے بھی بہت فائدے مند ہیں اور آپ اسے پینے کے لیے اور مزیدار بھی بنا سکتے ہیں-