ادااکارہ مہوش حیات کے سوشل میڈیا پر وڈیو پیغام "COVID19 امدادی فنڈ میں چندہ دینے کی اپیل" نے لوگوں کے دل جیت لیے!

حال ہی میں اداکارہ مہوش حیات نے 31 مارچ کو سوشل میڈیا پر ایک ویڈیو  پیغام اپ لوڈ کیا تھا جس میں انہوں نے لوگوں

 سے وزیر اعظم عمران خان کے COVID19 امدادی فنڈ میں چندہ دینے کی اپیل کی تھی-ان کے اس پیغام کو لوگوں نے کافی سراہا اور بہت سے لوگ آگے بھی آۓ جنہوں نے بڑھ چڑھ کر COVID19 امدادی فنڈ میں چندہ دیا-اپنے پیغام میں اداکارہ نے کہا تھا کہ ملک کو ایک بہت بڑا چیلنج درپیش ہے اور ہم اس وقت کس طرح سے برتاؤ کرتے ہوۓ اپنی آنے والی نسلوں تک اپنی تقدیر کا فیصلہ کریں گے- انہوں نے اس بات پر زور دیتے ہوئے کہا کہ دنیا کے سب سے موثر صحت کی دیکھ بھال کے نظام نے بھی وبائی بیماری کے سامنے گھٹنے ٹیک دیے ہیں ،تو ہمارے پاس کیا امکانات ہیں؟ کراچی جیسی جگہ میں جہاں 20 ملین تک افراد رہتے ہیں اور انتہائی نگہداشت والے وارڈوں میں صرف 600 کے قریب بستر ہیں- پاکستان کی آبادی 220 ملین ہے اور ملک بھر میں وینٹیلیٹرز  کی تعداد صرف 1700 تک ہے-گذشتہ ہفتے ڈاکٹروں اور نرسوں کے لئے صرف 15000 ماسک موجود تھے -اداکارہ نے  مزید ویڈیوعنوان کے ساتھ شیئر کیا کہ، فرنٹ لائن میڈیکل عملے کو COVID-19 سے لڑنے کے لئے صحیح حفاظتی سازوسامان رکھنے کی بھی ضرورت ہے ورنہ صورتحال تیزی سے خراب ہوسکتی ہے ۔ ہمیں وزیر اعظم کے ریلیف فنڈ میں جو کچھ ہم کر سکتے ہیں دینے کی ضرورت ہے۔انہوں نے مزید کہا کہ !اسے چھٹی نا سمجا جا ۓ ہمیں جان بچانے کے لئے گھر پر ہی رہنے کی ضرورت ہے ہم مل کر یہ جنگ جیتیں گے انشاء اللہ-

اپنی ویڈیو میں ہسپتالوں میں  موجود تمام ڈاکٹروں اور نرسوں کی حالت کو بیان کرتے ہوۓ کہا تھا کہ کرونا واۂرس کے خلاف وہ لوگ ہماری پہلی لائن آف ڈیفنس ہیں-مہوش نے سوال کیا کہ اگر وہ اپنی حفاظت کے لیے ضرورت کا سامان نہیں رکھتے تو وہ دوسروں کی حفاظت کیسے کریں گے- نہ صرف ان کی حاضری متاثر ہورہی ہے ، بلکہ ان کی صحت بھی خراب ہورہی ہےاس کے بعد انہوں نے حکومت اور متعلقہ ریگولیٹری حکام سے اپیل کی کہ وہ اس عمل کو یقینی بنائے کہ ڈاکٹر مکمل طور پر محفوظ ہوں- انہوں نے لوگوں سے بھی درخواست کی کہ وہ گھر میں رہیں اور حکومت کی تجویز کے مطابق تمام احتیاطی تدابیر اختیار کریں اور انہوں نے کہا ،دن بدن یہ تعداد بڑھتی جارہی ہے- ہماری سب سے بظاہر معمولی حد تک لاپرواہی کئی جانوں کو خطرے میں ڈال سکتی ہے- تاہم ان کے اس وڈیو پیغام کے بعد بہت سارے لوگ سامنے آۓ اور دل کھول کر لوگوں کی مدد کرنے میں مصروف ھیں۔سوشل میڈیا پر لوگوں نے انکے اس پیغام کو بہت سراہا ہے اور دل کھول کر داد دی ہے-