اپنی عمر سے کم نظر آئیں میک اپ کا صحیح اور آسان استعمال کریں:

اکثر اوقات چہرے پر جھریاں خواتین کی عمر کو چھپانے میں ناکام بنا دیتی ہیں- خواتین کو اب چہرے پر جھریوں سے پریشان ہونے کی ضرورت نہیں کیونکہ ہم بتا رہے ہیں چہرے سے جھریوں کو غائب کرنے اور لڑکیوں کی طرح دلکش اور جوان نظر آنے کا مؤثر طریقہ جو آپ کی شخصیت کو نکھار دےگا- ایسی خواتین جو چہرے پر پڑنے والی جھریوں سے پریشان ہیں تو وہ صرف  میک اپ کے ایسےاستعمال  کے ذریعے اپنی شخصیت کو انتہائی پرکشش اور دلکش بنا سکتی ہیں- اکثر خواتین گھروں میں  بہت ہی مصروف ہو کراپنے آپ  کو بھول جاتی ہیں اور خودپر بالکل توجہ نہیں دے پاتی ہیں- 

آج  ہم یہاں ایسی خواتین سے چند ایسے طریقے شیئر کریں گے جن کے استعمال سے آپ 50 سال کی عمرکے باوجود اپنی عمر سے کہیں کم نظر آئیں گی اور آپ کی شخصیت کو پہچاننا مشکل ہو گا- ہماری عمر کے بڑھنے کاسب سے زیادہ اثر ہماری جلد پر پڑتا ہے جس  کے لیے ضروری ہے کہ اپنی جلد کے مردہ خلیوں کو بروقت صاف کروائیں تاکہ جلد چمکتی نظر آئے- اپنی جلد کے رنگ کے حساب سے فاؤنڈیشن کا استعمال کریں تاکہ فاؤنڈیشن آپکے چہرے پر آپکی جلد کا حصہ نظر آئے۔چہرے پر ہلکے سے پفنگ پاؤڈرکا استعمال کریں اور اگر آپ کی آنکھوں کے نیچے جھریاں ہیں تو گہرے رنگ کا آئی شیڈ نہ لگائیں اس کی بجائے ہلکے رنگ یا میٹالک رنگ کے آئی شیڈزکے استعمال کو ترجیح دیں، آئی لائنر کا استعمال آنکھوں کے اوپری پپوٹے پر کریں تاکہ آنکھیں چہرے کی عمر کا پتہ نہ دیں اور ہلکے سے مسکارے کا استعمال بھی کریں-آنکھوں پر آئی شیڈاگر لگا ہے تو گہرے رنگ کی لپسٹک  کا استعمال نہ کریں اور اگر آئی شیڈ نہیں لگا تو گہرے کلر استعمال کر سکتے ہیں- ہلکے غلابی یا براؤن رنگ کا بلش آن اس طرح استعمال کریں کہ آپ کے گالوں کی ہڈیاں نمایاں ہوں- اس طرح رہنے سے آپ اپنی عمر سے کئی زیادہ کم دکھائی دیتے ہیں آپ چاہتے ہیں  کہ یہ احساس کم ہوتو اس طرح رہنے کی عادت ڈالیں تاکہ بڑھاپے کا احساس کم ہو اور آپ کم عمر اور دلکش دکھائی دیں.