پریانکا چوپڑا نے بتایا بالوں کی خوبصورتی کا اصل راز جو وہ لاس اینجلس میں رہ کر بھی اپناتی ہیں:

ہمارے بال ہماری شخصیت کا اہم حصہ ہیں ۔بال چاہے مرد کے ہوں یا کسی عورت کے بالوں سے دونوں کو بہت لگاؤہوتا ہے ۔آجکل ہمارے بال ہماری شخصیت سے بہت جڑے ہیں بلکہ ہمیشہ سے جڑے ہیں ،کہتے ہیں کہ بال عورت کا آدھا حسن ہیں جس سے اس کی خوبصورتی کو چار چاند لگ جاتے ہیں۔اور مردوں میں بال خاصی توجہ کا مرکز ہیں مردوں کے بال گرنے لگیں تو وہ جلد ہی بوڑھے نظر آنے لگتے ہیں جس سے ان کی فکر بڑھ جاتی ہے ۔خواتین کے سر پر پھر بھی بال کچھ نہ کچھ موجود ہوتے ہیں گرنے کے بعد بھی مگر مردوں کا سر اکثر اوقات خالی ہونا شروع ہو جاتا ہے ۔جس کی وجہ سے ان کے رشتوں میں خاصی رکاوٹیں آتی ہیں۔آج ہم بات کریں گے بالی ووڈ کی مشہور ایکٹریس پریانکا چوپڑا کی جو بہت ہی جانی پہچانی شخصیت ہیں اور آج کل لاس اینجلس میں قیام پذیر ہیں۔مگر انہوں نے اپنے اس نسخے کو شیئر کر کے ظاہر کیا کہ وہ ابھی بھی اپنے آباؤاجداد کے بتائے ہوئے طریقوں پر عمل کرتی ہیں کیونکہ وہ بھی جانتی ہیں کہ عورت کا حسن قدرتی ہے اور قدرتی طریقوں کا استعمال ہی اس حسن کو چار چاند لگا سکتا ہے۔ پریانکا چوپڑا نے بتایا کہ وہ کھانے کے ساتھ ساتھ اور بھی بہت سے چیزیں ہیں جنہیں میں گھر پر پرانے طریقوں کے مطابق سر انجام دیتی ہوں۔ 

انہوں نے اپنی اس خوبصورتی کا راز کچھ دن پہلے انسٹا گرام پر ایک وڈیو سے شیئر کیا،انہوں نے بتایا کہ یہ طریقہ انہوںنے اپنی ماں سے سیکھا تھا جسے وہ ابھی تک اپناتی ہیں۔انہون نے بتایا کہ قرنطینہ میں رہ کر اس طریقے کو آزمانا نہایت آسان ہے اور فائدہ مند بھی ہے۔وہ اپنی اس وڈیو میں دکھا رہی ہیں کہ انہوں نے ایک انڈہ ،دیہی اور شہد کو اچھی طرح مکس کیا ہے اور اسے ایک برتن میں کچھ دیر رکھا ہے پھر اس کو دوبارہ اچھی طرح مکس کر کے اسے بالوں پہ لگایا اور چھوڑ دیا۔پریانکا نے بتایا کہ کہ دیہی میں لیکٹک ایسڈ پایا جاتا ہے جو آپ کے مرے ہوئے سیلز کو ختم کر کے نئے سیلز بناتا ہے اور اگر آپ کے بال روکھے ہوئے ہیں تو شہد ان کو نرم وملائم اور چمکدار بناتا ہے کیونکہ یہ اینٹی آکسیڈنٹس خصوصیات رکھتا ہے جو بالوں کو ٹوٹنے سے بچاتا ہے اور قدرتی بالوں کی صلاحیت قائم رکھتا ہے۔انہوں نے بتایا کہ اس ماسک کو آدھے گھنٹے کے لئے لگا رہنے دیں اور پھر دھو لیں۔اڈکے بعد پریانکا نے انڈے کے بارے میں بتایا جو کی وٹامن اور پروٹینز سے بھرپور ہوتا ہے جو بالوں کی گروتھ یعنی بڑھنے میں اہم کردار ادا کرتا ہے۔ پریانکا نے بتایا کہ اس کی مہک نا قابل برداشت ہو سکتی ہے اور ہو سکتا ہے اس کی مہک کو ختم کرنے کے لئے اسے دوسری بار دھونا پڑے۔اس طریقے کو اپنائیں آپ اپنے بالوں میں بہتری محسوس کریں گے ۔