تحقیق کے مطابق! "گوری رنگت کرنے والی کریمیں کینسر کا سبب بن سکتی ہیں"

کاسمیٹکس جو کہ دنیا میں بہت ہی وافر مقدار میں استعمال ہورهی ہیں. مگر وقت کے ساتھ ساتھ ان میں کیمیکل کی مقدار کوبڑھا دیا گیا ہے، ماہرین کا کہنا ہے کہ کاسمیٹکس بنانے والی کمپنیاں ان میں وافر مقدار میں کیمیکلز کا استعمال کر رہی ہیں جس کی وجہ سے جلد کا کینسر بڑھ رہا ہے. مصنوعات کا معیار جانچنے والے بر طانیہ کے ادارے (ایل جی اے) نے رنگ گورا کرنے والی کریموں کی جانچ پڑتال کے بعد ہوش رُبا انکشافات پر مبنی ایک رپورٹ تیار کی ہےجس میں کہا گیا ہے کہ ان کریموں میں بلیچنگ ایجنٹ ہائیڈروکوینون اور مرکری یعنی پارہ بھی شامل ہوسکتا ہے جس کا رنگ گورا کرنے کا طریقہ دیوار سے پینٹ اتارنے والے کیمیکل کو جلد پر لگانے جیسا ہے۔برٹش اسکن فاؤنڈیشن نے بھی اس رپورٹ  کو صحیح ثا بت کیا ہے اور آگاہ کیا کہ ایسی بہت ساری کریمو ں کو اسی وجہ سے بین کیا گیا ہے، کہ ان میں وافر مقدار میں کیمیکلز کی وجہ سے جلد جل جاتی ہے.،کیونکہ ان رنگ گورا کرنے والی کریموں میں کیمیکلز کے تنا سب کی صحیح مقدار نہیں بتائی جاتی اسلئے اگر اس کے استعمال کے بعد آپ اگر جلن سوزش یا کسی بھی قسم کی غیر معمولی کیفیت محسوس کریں تو فوری طور پر جلدی امراض کے ڈاکٹر سے رجوع کریں.

     

اسی طرح بہت سی کمپنیز مقررہ حد سے زیادہ کیمیکلز استعمال کر کے کریمیں بنا رہی ہیں جو ظاہری طور پر تو رنگ گورا کر دیتی ہیں،مگر آپکی کی جلد کو کینسر جیسے موذی مرض میں مبتلا کر سکتی ہے. اس قسم کی کریمیں بنانے میں نہ کہ ہمارا ملک بلکہ ایشیائی ممالک کے ساتھ برطانیہ جیسے ملک بھی شامل ہیں. مگر احتیاط لازمی ہے کوئی بھی کریم استعمال کرنے سے پہلے اچھی طرح جانچ کر لیں بلکہ بہتر ہے، کہ اچھی اور معیاری کریموں کا استعمال کریں غیر معیاری کریموں سے اجتناب کریں.