ان طریقوں پر عمل کریں - صحت و تندرستی اللّٰہ کی بہت بڑی نعمت ہے اسکی حفاظت کریں-

ہماری روز مرہ زندگی میں ہمارا واسطہ بہت ساری اشیاء سے پڑتا ہے جن کا ہماری زندگی میں بہت عمل دخل ہے ۔ ہم اپنے گردونواح میں بہت ساری ایسی چیزوں سے دوچار ہوتے ہیں جن سے ہماری صحت پر گہرا اثر پڑتا ہے۔ ہم ان چیزوں سے بیمار ہوتے ہیں اور ہمیں ان کا پتہ ہی نہیں چلتا اگر ہم روز مرہ کے کاموں میں تھوڑی احتیاط کریں تو ہو سکتا جو ہم عام طور پر کسی وجہ سے بیمار ہوتے ہیں وہ ہم بیمار نہ ہوں مگر اس کے لئے تھوڑی احتیاط چاہئے ویسے تو ہم یہ سب عام طور پر طریقے گھر میں اپناتے ہیں مگر پھر بھی کبھی کبھار لاپرواہی برتتے ہیں جو ہمارے اور ہمارے بچوں کے لئے بلکل ٹھیک نہیں ۔ہم میں سے کون ہے جو صحت و تندرستی نہیں چاہتا کون ہے جو بے جا پیسوں کا استعمال کرنا چاہتا یقیناً کوئی نہیں ۔ ہم جانتے ہیں کہ بیماری نہ صرف جینا دو بھر کرتی ہے بلکہ یہ انسان کو کہیں کا نہیں چھوڑتی یہ غریب ہو یا امیر نہیں دیکھتی۔یہ مسلسل آپ کی بےزاری میں اضافہ کرتی ہے آپ اس کی وجہ سے روز کے کاموں سے لاچار ہو کر بیٹھ جاتے ہیں اور بعض اوقات آپ کے پاس لوگ آ کر نہیں بیٹھتے کہ ہم بیمار نہ ہو جائیں ،جو سب سے زیادہ تکلیف دہ ہوتا ہے ۔

اسلئے کہتے ہیں کہ پرہیز علاج سے کئی زیادہ بہتر ہے ۔اپنی صحت کو ان چند چیزوں کا عادی بنائیں تاکہ علاج سے بچ سکیں۔ ان میں سے ہاتھ دھونا سب سے بڑی احتیاط ہے جس کی وجہ سے پانچ لاکھ بچے ہر سال اپنی جان سے جاتے ہیں جو کہ ہاتھ نہ دھونے کی وجہ سے نیںولہ جیسی بیماری میں مبتلا ہوتے ہیں اور جان سے جاتے ہیں ۔ان کاموں کے بعد ضرور ہاتھ دھوئیں باتھروم سے نکلنے کے بعد ،کسی مریض سے ملنے کے بعد , بچوں کا پاخانہ صاف کرنے کے بعد ان کے پیمپر بدلنے کے بعد ،سبزی کاٹنے کے بعد اور اس کو کسی کے آگے پیش کرنے سے پہلے ہاتھ دھوئیں ۔ہاتھوں کو بیس سیکنڈ تک انگلیوں کے درمیان انگوٹھوں اور نا خنوں سمیت اچھی طرح دھوئیں۔صاف پانی کا استعمال کریں کیونکہ گندا پانی پینے سے آپ ہیپاٹائیٹس جیسی بیماریوں میں مبتلا ہو جاتے ہیں بہت سے لوگ ایسے ہیں جن کو پینے کا صاف پانی مہیا نہیں ہے اور وہ لوگ بیمار ہوتے ہیں  اور اگر آپ کو لگتا ہے کہ پینے کا پانی صاف نہیں ہے تو اس کو اچھی طرح ابال لیں ۔ کھانے پینے کی احتیاط کریں صاف پانی سے سبزیاں دھوئیں اور متوازن غذا لیں جو آپ کو تندرست وتوانا رکھتی ہے پروٹین کاربوہائیڈریٹس اور وٹامنز سے بھرپور غذائیں لیں سبزی دودھ انڈے اور پھلوں کا استعمال کریں ۔ کم نمک والی سبزیوں کا استعمال کریں ۔ورزش کریں یہ آپ کو تندرست وتوانا رکھتی ہے۔اپنی نیند کو پورا کریں تاکہ آپ ڈپریشن کا شکار نہ ہوں۔