جانئیے تحقیق!کہ کیسے موسم گرما میں آپ اپنے چہرے کی حفاظت کر سکتے ہیں ۔

گرمیوں کے موسم میں اپنی جلد کی حفاظت کرنا نہایت ہی مشکل ہوتا ہے ۔کیونکہ گرمیوں ہم اپنے آپ کو سورج کی تابناک شعاعوں سے بھی خود کو بچاتے ہیں اور گردوغبار سے بھی ہمارے اندر شدید گرمی ہونے کی وجہ سے پانی کی بھی شدید کمی ہو جاتی ہے،ان سب باتوں کو سامنے رکھتے ہوئے یہ فیصلہ کرنا پڑتا ہے کہ خود کو اس جھنجھٹ سے کیسے نکالیں کن چیزوں کا استعمال کثرت سے کریں۔خاص طور پر خواتین کی جلد نہایت نازک ہوتی ہے جو سورج کی تپش سے جلدی جل جاتی ہے۔جس سے خود کو بچانے کے لئے خواتین بازار سے مہنگی ترین کریموں کا سہارا لیتی ہیں جن کا کوئی بھروسہ نہیں ہوتا جب تک ان کریموں کا استعمال کرتے رہیں گے ہماری جلد تروتازہ نظر آئے گی جیسے ہی ان کا استعمال کرنا چھوڑ دیا چہرہ پھر سے ویسا ہی ہو جاتا ہے ۔

تو پھر ان چیزوں پر پیسہ برباد کرنا کہیں کی عقلمندی نہیں ہے۔جلد کی حفاظت کیلئے چند قدرتی ماسک ہیں جو آپ کا وقت اور پیسہ دونوں بچاتے ہیں اور آپ مایوس نہیں ہوتے ۔یہ ماسک آپ کو قدرتی تازگی مہیا کرتے ہیں ۔جیسے کہ گاجر کا ماسک ،گاجر کا جوس نکالیں اور اسے ٹھنڈا کر لیں اور اس کے اسے روئی کی مدد سے چہرے پر لگائیں اور اس کو دو سے تین مرتبہ دن میں استعمال کریں ۔انڈے کا ماسک جلد کے لئے بہترین ہے انڈے کی سفیدی لیں اور لیموں کا عرق ملا لیں اور اسے اچھی طرح مکس کر کے دس سے پندرہ منٹ چہرے پر لگا ئیں اور دھو لیں۔اس کے علاوہ بیسن لیموں اور دیہی کا ماسک بہت مؤثر ہے تھوڑا سا بیسن اس میں دیہی کے چند قطرے اور لیموں کا رس ملا کر پیسٹ تیار کر لیں اور چہرے پر لگائیں اس کے خشک ہونے کا انتظار کریں اور پھر ٹھنڈے پانی سے منہ دھو لیں ،بہترین نتائج کے لئے ہفتے میں دو سے تین بار استعمال کریں۔ شہد اور لیموں کا رس اپنی افادیت رکھتا ہے شہد میں لیموں کے کچھ قطرے شامل کر کے اچھی طرح ملا لیں ماسک کو چہرے پر لگائیں اور خشک ہونے پر دھو دیں تو آپ کے لئے بہت فائدہ مند ثابت ہو گا ۔آپ پیسے لگانے کی بجائے ان چند قدرتی ماسک کا استعمال کریں آپ اپنے چہرے پر خود تبدیلی پائیں گے۔