رمضان میں چہرے کو خوبصورت بنائیں، وقت اور پیسہ دونوں بچائیں:

خواتین اپنے چہرے کی خوبصورتی کے لئے مختلف طریقے اختیار کرتی ہیں. وہ قدرتی حسن پانے کی بجائے پارلر پر جانے کو ترجیح دیتی ہیں. خواتین موسموں کی تبدیلیوں کے ساتھ اپنی رنگت اور اپنے چہرے پر نکلنے والے دانوں کے بارے میں بہت فکر مند ہوتی ہیں. جس کیلئے وہ مارکٹ سے کئی کریمیں خرید کر لاتی ہیں جو اکثر غیر معیاری ہوتی ہیں،جن کی وجہ سے وہ اپنا بہت سارا قیمتی وقت اور پیسہ دونوں برباد کرتی ہیں. اس کے علاوہ پارلر پر جانے کو ترجیح دیتی ہیں جو وقتی طور پر آپکو خاصی چمک دمک دیتے ہیں مگر وقت کے ساتھ یہ چمک چہرے سے چلی جاتی ہے. آپ مستقل طور پر ان روز کے جھنجٹ سے آزاد ہو سکتے ہیں. اپنا وقت اور پیسہ دونوں بچا سکتے ہیں. ان چیزوں کے پیچھے بھاگنے سے بہتر ہے کہ قدرتی اشیاء کا استعمال کریں جو آپ کے گھر میں موجود ہیں. یہ وہ دائمی خوبصورتی ہے جس کا کوئی مول نہیں ہے. یہ طریقے آپ ہر موسم میں استعمال کر سکتےہیں. اس کے لئے آپ لیموں، عرق غلاب اور گلیسرین کو برابر مقدار میں مکس کریں اور کسی جار میں ڈال کر فریج میں رکھیں. اور صبح چہرہ دھوئیں اور استعمال کریں. 

چہرے کے ساتھ ساتھ آپ کے پاؤں اور ہاتھ بھی اہمیت کے حامل ہیں اسلئے اسے ہاتھ اور پاؤں پر بھی استعمال کریں. ہم چہرے کی صفائی کے لئے سٹیم یعنی بھاپ لے سکتے ہیں یہ کیل مہاسے اور چہرے پر جمی میل کو جڑ سے نکال باہر کرتا ہے اور مسام صاف کر دیتا ہے، مگر جن خواتین کی جلد آئلی ہے وہ روزانہ بھاپ لیں یہ طریقہ ان کے لئے نہایت مفید ہے. پنی ابل لیں اور کسی صاف برتن میں انڈیل لیں اود تولئے کی مدد سے بھاپ لیں آپ فرق محسوس کریں گے. اپنی نیند کو مناسب وقت دیں چہرے کی خوبصورتی کے لئے انتہائی ضروری ہے آجکل موبائل، ٹی وی، لیپ ٹاپ اور خاص طور پر گھریلو خواتین اپنے بچوں کی وجہ سے نیند کو وقت نہیں دے پاتیں. جس کی وجہ سے چہرہ مرجھایا رہتا ہے، تروتازگی کا احساس نہیں ہوتا انہیں چاہئے مناسب غذا کا استعمال کریں اور نیند پر توجہ دیں. ہم میں سے بہت سی خواتین ایسی ہیں جن کی جلد خشک ہوتی ہے وہ ایک عدد انڈہ لیں اور اسے اچھی طرح بلینڈ کر لیں، گلیسرین ایک چمچ اور ایک چمچ شہد کو اچھی طرح مکس کریں اس کو اپنے چہرے پر لگائیں. اسے پانی سے دھو دیں اور چہرہ خشک کر لیں. ہفتے میں ایک بار ضرور استعمال کریں.