گڑ کے حیرت انگیز فوائد کھانسی دمہ حافظہ اور یاداشت کے علاوہ کئی امراض کے لئے مؤثر ترین، ضرور جانیں:

گڑ کا استعمال آپ کو کئی خطرناک بیماریوں سے چھٹکارا دلا سکتا ہے آپ یہ جان کر حیرت زدہ ہوں گے کہ گڑ کا استعمال کس قدر فائدہ مند ثابت ہو سکتا ہے-گڑ میں فاسفورس کے ساتھ کیروٹین، نکوٹین، تیزاب، وٹامن اے، وٹامن بی ون اور ٹو بھی موجود ہوتا ہے گڑ کا اثر گرم ہوتا ہے جبکہ پرانا گڑخشک ہوتا ہے-نیا گڑکف، کھانسی دمہ اور پیٹ کے کیڑوں کے لئے مؤثر ہے- گڑ ہمارے نظام انہظام کے عمل کو ٹھیک کرتا ہے- یہ قبض کشا ہے اور گیس کی تکلیف کے لئے مفید قرار دیا گیا ہے-حاملہ عورتیں جن کو دودھ کا مسئلہ ہوتا ہے وہ سفید زیرے کے پاؤڈر کے ساتھ گڑ کا استعمال باقا عدگی سے صبح شام کریں، دودھ کی مقدار میں اضافہ ہو گا- 

اس کے علاوہ گڑ کے حلوہ کا استعمال کریں یہ آپ کے حافظے اور یاداشت کے لئے بہت فائدہ مند ہے سٹوڈنٹس جن کا حافظہ ٹھیک نہیں ان کے لئے بہت مدد گار ثابت ہوتا ہے گڑ میں موجود فولاد انیمیا کی بیماری کے خلاف مدافعت پیدا کر سکتا ہےنیز خون میں ہیمو گلوبن کی مقدار بڑھاتا اور قوت مدافعت کو کو مظبوط کرتا ہے. آرتھرائٹس مطلب گھٹنے کے درد سے نجات دلاتا ہے، اور سوجن کو کم کرتا ہے جس کے لئے پانچ گرام گڑ اور پانچ گرام ادرک کا پاؤڈر استعمال میں لائیں انشاءاللہ بہتر محسوس کریں گے-اس طرح تھوڑا گڑ اور بھنا ہوا ادرک گرم پانی کے ساتھ استعمال میں لائیں زکام سے چھٹکارا پائیں گے- قبض اور بواسیر بیماریوں کی جڑ ہے جو گڑ سے دور کی جا سکتی ہیں-ایسے لوگ گڑ کو استعمال میں لائیں-

پیپل کے پتے دس گرام، دار چینی، تیزپات اور کالی مرچ تیس، تیس گرام، پنتیس گرام سونٹھ اور ہرڑ کا سفوف سو گرام ان تمام اشیاء کو دو سو گرام گُڑ کے ساتھ اچھی طرح کوٹ کر پیسنے کے بعد پچیس، پچیس گرام کے لڈو بنائیں اور ان کو استعمال میں لائیں ایک لڈو صبح اور ایک شام گرم پانی کے ساتھ استعمال کریں-اس کے علاوہ گڑ روزمرہ کی تکالیف جیسے پیٹ کا بولنا، ہاتھ پاؤں کی سوزش، پیٹ میں گیس جیسے کئی مسئلوں کا حل ہے- کھانسی کےلئے دس گرام سرسوں کے تیل میں دس گرام گڑ ملا کر صبح، شام ایک چائے کا چمچ لیں. اگر آپ ملیریا بخار سے چھٹکارا چاہتے ہیں تو کالا زیرہ اور گڑ کے سفوف کو ملا کر کھائیں افاقہ ہو گا- دائمی کھانسی سے نجات  کے لئے پیپل کے پتے اور جوکھار چار، چارگرام ، کالی مرچ پانچ سے سات گرام ، اناردانہ پچیس گرام کو ملا کر پچاس گرام گُڑ میں شامل کرکے سفوف بنائیں اور صبح شام استعمال کریں آپ کو چھٹکارا حاصل ہو گا-قدرتی اشیاء کے بہت سے فوائد ہیں جو ہم نہیں جانتے اگر ہم جان لین تو ہم بیماریوں سے نجات پا سکتے ہیں ہم یہ تو نہیں کہتے کہ ہم بیمار نہیں ہوں گے کیونکہ ہم مسلمان ہیں اور ہم یہ بات جانتے ہیں بیماری اللہ کی طرف سے آزمائش ہے اس لئے بیماری سے گھبرائیں نہیں کیونکہ اگر وہ بیماری دیتا ہے تو اس صحت یاب ہونے کے کئی طریقے اس نے بتائے ہیں مگر نہ تو ہم قدردتی چیزوں پر یقین کرتے ہیں نہ اس کی نازل کی گئی کتاب کو پڑھتے ہیں جس میں کوئی ایسی بیماری نہیں جس کا اعلاج نہ لکھا ہو- اسلئے قدرتی اشیاء پر یقین رکھیں آپ صحت یاب رہیں گے-